Бензинот и дизелот со речи си иста цена - најмала разлика во последната година
По последната одлука на Регулаторната комисија за енергетика со која бензините поевтинија за половина денар бележиме најмала разлика меѓу цените на бензинот и дизелот во последните година дена.
Во моментов литар бензин чини 75 денари додека дизелот се продава за 71,5 денари за литар. Тоа значи дека разликата меѓу двата нафтени деривати во малопродажба во моментов изнесува 3,5 денари.
На почетокот на октомври во 2023 година, цената на бензинот за прв пат беше пониска од онаа на дизелот. Тогаш литар бензин се продаваше за 83,5 денари а дизелот чини 86 денари.
Трендот траеше речи си цел тој октомври поради енергетската криза со која се соочуваше целиот свет по што работите се вратија во нормала.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
