ВРЕДИ: Започна нова фаза од изградбата на Железничкиот коридор 8

Владата предводена од ВРЕДИ, преку Министерството за транспорт, демонстрира историска решителност за понатамошна изградба на Железничкиот коридор 8, отворајќи ново поглавје во економскиот развој и регионалната интеграција, истакнува во соопштение до медиумите коалцијата ВРЕДИ.

„Ова е проект што ги надминува техничките граници на изградбата, бидејќи има национална димензија и е главна артерија што ги обединува Албанците и ја зајакнува нивната позиција во регионот. Во таа насока, Владата ја одобри одлуката за спроведување на Договорот за грант во износ од 3,7 милиони евра, обезбеден од Европската инвестициска банка, кој ќе послужи за подготовка на нова проектна документација и постапка за тендерирање. Паралелно, Јавното претпријатие за железничка инфраструктура ја започнува постапката за избор на надзор на изградбата, гарантирајќи ефикасност и транспарентност во секој чекор.

Во овој процес, важна улога игра и заменик-министерката за транспорт, Калтрина Зеколи Шаќири, која го нагласи целосното залагање на Министерството за унапредување на железничките проекти како главни столбови на економскиот развој, регионалната соработка и националната интеграција.

Со овие чекори, ВЛЕН докажува дека изградбата и модернизацијата на железничката мрежа не е само приоритет, туку и опиплива реалност. Коридорот 8 ќе ги поврзе Албанците од Скопје до Тирана и Драч, правејќи ја нашата земја неразделен дел од европските транспортни коридори, транзитен простор на Балканот и силен мост на соработка меѓу Албанците каде и да живеат.

Ова е визијата на ВЛЕН, моќна држава, поврзана со Албанија и Европа, со конкурентна економија и модерни транспортни стандарди. Железничките коридори не се само линии на мапа, тие се артерии на развој кои ќе го поттикнуваат напредокот на Албанците и на целата земја со децении!“, стои во соопштението од ВРЕДИ.