ВИДЕО: Во вилата на Пригожин пронајдена фотографија од отсечени глави, чекан и купишта пари
Рускиот медиум „Фонтанка“ објави фотографии на кои е прикажана внатрешноста на домот на основачот на Вагнер, Евгениј Пригожин, кој се наоѓа во луксузна населба во Санкт Петербург.
Фотографиите, направени за време на полициската рација, покажуваат оружје и купишта банкноти од американски долари и руска рубља, како и раскошната внатрешност на вилата. Во една од собите има голем чекан со натпис „За важни преговори“.
Инспекторите на ѕидот пронашле фотографија од отсечени глави. На другите ѕидови има различни признанија и награди, меѓу кои и лента што Пригожин ја доби од гувернерот на Санкт Петербург, Александар Беглов, долгогодишниот ривал на Пригожин.
На втората фотографија е прикажана униформа со наградите Херој на Русија и Херој на Народните републики од Донбас. Инспекторите, наводно, пронашле и сертификат кој покажува дека ја добил наградата Херој на Русија на 20 јуни 2022 година.
„Фонтанка“, исто така, пишува дека иследниците пронашле медицинска опрема што „очигледно останала од времето на пандемијата“. Меѓу другото, во вилата биле пронајдени респиратор и апарат за кислород.
Фотографии од претресот на куќата на Пригожин објавија и руски телевизиски станици, а за нив детално се зборуваше во ток-шоуто на државниот канал Русија 1.
Spetsnaz forces search Wagner chief Yevgeny Prigozhin's mansion in St. Petersburg. Some interesting finds. pic.twitter.com/UkEkd4cwsk
— Ian Miles Cheong (@stillgray) July 5, 2023
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
