Трамп забрани испраќање разузнавачки информации во Украина

САД го суспендираа споделувањето разузнавачки информации со Киев, што може сериозно да ја загрози способноста на украинската војска да ги таргетира руските сили, објави Фајненшл тајмс, цитирајќи официјални лица запознаени со ова прашање.

Овој потег уследи по одлуката на администрацијата на Трамп да ја прекине испораката на воена помош за Украина и драматичниот распад на односите меѓу американскиот претседател и украинскиот претседател Володимир Зеленски.

Соработката на американските разузнавачки служби беше од клучно значење за способноста на Украина да идентификува и да напаѓа руски воени цели.

Тројца функционери запознаени со одлуката потврдија дека Вашингтон ги замрзнал разузнавачките канали со Киев.