Трамп му се јави на кинескиот претседател
Кинескиот претседател Си Џинпинг денеска телефонски разговараше со американскиот колега Доналд Трамп, потврди Министерството за надворешни работи во Пекинг.
Телефонскиот разговор бил на иницијатива на Трамп, но не се објавени детали.
Разговорот се одржа во време кога Кина и САД меѓусебно се обвинуваат за кршење на трговскиот договор потпишан минатиот месец во Женева, кој предвидува привремено намалување на царините и обнова на извозот на клучните суровини.
САД и Кина на 12 мај во Женева постигнаа договор за привремено намалување на царините во период од 90 дена, при што САД ги намалија царините за кинеските производи од 145 на 30 проценти, а Кина ги намали царините за американските артикли од 125 на 10 отсто,
Трамп во април воведе царини од 145 отсто за кинеските производи, а Пекинг возврати со зголемување на царините за увоз на американските артикли на 125 проценти.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
