Таткото на Васил: Немам никаде интервенирано за било какво намалување на казните на син ми

Таткото на Васил Јованов денеска изјави дека никаде не интервенирал за било какво намалување на казните неговиот син.

„Ние сме фамилија на која приходите исклучиво им се од плата. Не сме богата фамилија, уште помалку влијателна и немам никаде и кај никого интервенирано за било какво намалување на казните на син ми. Немаме други станови во Скопје. Судијката на случајот воопшто не ја познавав претходно, ја видов во судница. Од аспект на родител не направив ама баш ништо за Васил да поминува неказнет низ системот како што беше кажано. Тоа најодговорно го тврдам, пред Бога и пред вас. Најдлабоко сочувство до семејството на родителите“, рече таткото на Васил.