По 13 години брак, се разведува ќерката на Џо Бајден

Ешли Бајден, ќерка на поранешниот американски претседател Џо Бајден, поднесе барање за развод од пластичниот хирург Хауард Крин. Тие беа во брак повеќе од 13 години, објавува „Њујорк пост“.

Таа го поднесе барањето во Општинскиот суд во Филаделфија во понеделник. Истиот ден, таа објави фотографија во својата приказна на Инстаграм на која шета низ парк, покажувајќи палец нагоре. Со фотографијата ја објави и песната на Бијонсе „Слобода“. Во понеделник, таа објави цитат во кој вели: „Нов живот, нови почетоци значат нови граници. Нови начини на постоење кои нема да изгледаат или звучат како што биле порано“.

Причината за разводот сè уште е непозната.

Хауард ѝ предложи брак на Ешли во 2011 година, откако доби дозвола од Џо.

-Тој е вистинскиот. И добива многу добра сопруга, рече претходно поранешниот американски претседател.

Една година по нивната свршувачка, двојката се венча во Гринвил, Делавер, пред 200 гости.

Ешли ја спомена својата свадба јавно кога го претставуваше својот татко на Националната конвенција на демократите минатата година.

-Во тоа време, мојот татко беше потпретседател, но тој беше и таткото кој буквално го организираше целиот прием. Тој се возеше наоколу во својот џип „Џон Дир“, ги средуваше цвеќињата и беше многу емотивен по патот, рече таа.

Патем, Крин е оториноларинголог и пластичен хирург во Универзитетската болница „Томас Џеферсон“ во Филаделфија, а двојката живееше во тој град пред разводот. Тие немаат заеднички деца.