Оваа такси компанија во недела ќе вози бесплатно на гласање

Жителите од Скопје во недела (27-ми април) во текот на гласањето во периодот од 8 до 10 часот претпладне ќе можат бесплатно да ги користат такси услугите на радио такси „КОММАК-КОМЕРЦ" на повик на телефонскиот број 151-93 од своите домови до гласачките места, пишува Портал.

Ваквата одлука на компанијата е со цел да придонесе за поголема излезност на гласачките места во град Скопје, па такси службата „КОММАК-КОМЕРЦ" решила да им излезе в пресрет на сите оние граѓани избирачи кои имаат потреба од превоз.

Претпоставка на компанијата е дека во колку бидат навремено известени граѓаните на град Скопје за бесплатниот превоз во недела во периодот од 8 до 10 часот ќе бидат остварени голем број повици при кое би биле превезени стотици гласачи.