Не запираат скандалите: Нови сомнителни трансфери во општина Струмица

Со програмата Г1 за поддршка на локалниот економски развој и В2 програмата за социјална заштита за 2012 година, на име трансфер до НВО, биле исплатени средства како финансиска поддршка од Општина Струмица за реализација на проекти.

Станува збор за здружението Евро-Визија Струмица, основано 2007 година, каде како овластено лице се наоѓа Ацо Манински, асистент на пратениците од СДСМ, Цветанка Иванова и Панче Орцев. Средства од општинската каса се префрлиле на сметката на здружението Евро-Визија за проектот „Изложба на карневалски фотографии, карневалски слики – Струмица 2012“.

Скандалот во Општина Струмица зафаќа загрижувачки и сериозни димензии. Овие документи се само дел од десетиците досега објавени сомнителни трансфери со милионски суми на пари на граѓаните на сметка на невладини организации директно поврзани со СДСМ.