Во четврток и петок Скопје ќе се спаси од здодевните комарци
Град Скопје соопшти дека на 5 септември (четврток) и 6 септември (петок) во раните утрински часови ќе се изврши петтата фаза од авионска дезинсекција против возрасни форми на комарци, на подрачјето на градот.
Петтата фаза од терестричната дезинсекција против возрасни форми на комарци на подрачјето на Скопје, ќе почне на 10 септември и ќе заврши најдоцна до 14 септември, во периодот од 23 до 04 часот, наредниот ден. Доколку временските услови не го дозволуваат вршењето на дезинсекцијата, таа ќе се изврши првиот нареден ден, кога временските услови ќе бидат поволни, во истиот термин, информираат од Град Скопје.
Од Град Скопје ги повикуваат пчеларите навреме да ги преземат потребните мерки за заштита на пчелите.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
