Град Скопје одлучи: 100.000 денари за семејствата на жртвите кај Ласкарци
Советот на Град Скопје на денешната седница одлучи, како израз на солидарност, на семејствата на загинатите лица од сообраќајката што се случи на автопатот Скопје-Тетово, кај селото Ласкарци, да им додели еднократна парична помош во износ од 100.000 денари.
– Со оваа одлука, Градот Скопје како израз на солидарност кон семејствата на загинатите и на повредените во сообраќајната несреќа на автопатот Скопје – Тетово, на секое семејство кое изгуби свој член ќе додели парична помош од 100.000 денари во нето износ, а на повредените по 30.000 денари, соопштија од Град Скопје.
Советот на Град Скопје со едноминутно молчење за знак на оддавање на почит на загинатите во сообраќајката ја започна 27-та седница.
Во големата сообраќајна несреќа која се случи на автопатот Скопје-Тетово на 13 февруари животот го загубија 15 лица.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
