Дедо Мраз утре со хеликоптер ќе донесе пакетчиња на децата на припадниците на АРМ
Утре, 22-ри декември (сабота), во организација на воздухопловната бригада на Армијата на Република Македонија, ќе се реализира традиционалната предновогодишна активност „Пристигнување на Дедо Мраз со транспортен воен хеликоптер“.
На церемонијата која посебно е атрактивна за најмладите, „Дедо Мраз“ ќе подели новогодишни пакетчиња на децата од загинатите и починати припадници на воздухопловната бригада, како и на деца на припадници од бригадата и останатите команди и единици на АРМ и Министерството за одбрана.
Активноста ќе се реализира на воениот дел од меѓународниот аеродром Скопје, во касарната Страѓо Пинџур со почеток во 11.00 часот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
