Многу несреќи во Скопје - врие полиција и на ладното време
Сопатник со тешки телесни повреди се здобил во една од вкупно шест сообраќајки случени во текот на вчерашниот ден во Скопје. Во една сообраќајка со полесни повреди се здобило едно лице, а во останатите четири била причинета материјална штета.
Од СВР Скопје информираат дека вчера 19 возачи возеле побрзо од дозволеното, петмина поминале на црвено светло, четворица неправилно престигнале, а тројца возачи ја немале во возилата соодветната зимска опрема.
Од сообраќај биле исклучени вкупно девет возачи, од кои двајца возеле под дејство на алкохол, шест пред да се стекнат со правото на управување и еден почетник. Од сообраќај е исклучено и едно нерегистрирано возило.
Затекнати биле 55 возила непрописно паркирани, а со помош на специјалното возило „пајак“ отстранети биле 66 возила.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
