Вардар ги дозна имињата на судиите за полуфиналето против Монпелје
Европската ракометна федерација ги соопшти имињата на судиските двојки кои ќе ја делат правдата на Ф4 турнирот на Лигата на шампионите кај мажите.
На актуелниот европски шампион Вардар, кој ќе игра против француски Монпелје, ќе му судат Исланѓаните Јонас Елијасон и Антон Палсон.
Судии на вториот полуфинален дуел меѓу ПСЖ и Нант ќе бидат Данците, Мартин Гединг и Мадс Хансен.
Полуфиналните мечеви се закажани за на 26-ти мај во „Ланксес Арена“ во Келн, додека следниот ден е големото финале и борбата за третото место.
Вардар и Монпелје играат од 18:00 часот.
08.05.2018 - 09:39
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
