Червар: Македонија никогаш не играла подобро

Беше селектор на Македонија до пред помалку од една година, но Македонија никогаш ја нема видено да игра подобро.

Лино Червар има само пофални зборови за играта на нашите ракометари, а тоа по изјави вечерва, веднаш по дуелот на „коцкестите“ против Белорусија пишува Спорт Медиа.

„Македонија никогаш не играла подобро. Само комплименти можам да кажам за таа игра. Талески се претвора во врвен играч, а истото важи и за Велковски и за Кузмановски. Само комплименти“, рече Червар за играта на Македонија, на пресконференцијата.