Коневски: Пајакот да не им ги дига возилата на жителите на Стар Аеродром - тие немаат други места за паркирање

Општина Аеродром апелира до Министерството за внатрешни работи, до Сообраќајната полиција и до пајак службата да не ги креваат возилата од улиците во Стар Аеродром. 
„Имено, последниве неколку денови МВР интензивно ги отстранува возилата на граѓаните од пред нивните згради, иако тие реално не се во можност да паркираат соодветно поради градежните зафати на инфраструктурата во оваа населба.
Затоа јавно го повикуваме Министерството да ја прекине оваа активност и да покаже повеќе толерантност и трпеливост додека не заврши целосната изградба на новата инфраструктура. “ - напиша Коневски на социјалните мрежи