На улиците во Скопје ќе се вози пар-непар
Спас од загадениот воздух Град Скопје ќе бара со воведување пар-непар по улиците, како и поскап паркинг. Владата по препорака од министерството за животна средина го задолжи МВР да изготви измени на законот за безбедност во сообраќајот со воведување на мерката пар – непар, додека на советите на општините и претпријатијата за јавен паркинг им препорача, да ја разгледаат можноста за зголемување на цената на паркинг услугата, за повеќе да се користи јавниот превоз.
Канал 5 пишува дека Владата ги задолжи сите органи на државната управа јавните претпријатија и акционерските друштва во државна сопственост, како и на единиците на локална самоуправа да ја ограничат (до 50%) употребата на службените возила при надминување на прагот на алармирање при загаден воздух.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
