Метеоролозите прогнозираат: Кога ќе падне првиот снег во Скопје

Ако не ви се оди во планина и го чекате снегот во градовите, подгответе се за малку повеќе чекање. Барем така кажуваат долгорочните прогнози.
За разлика од претходните години, оваа година, се до Нова Година нема да имаме денвни температури во минус, а најстудениот период се очекува во последната седмица од 2016та, кога за новогодишната ноќ, во некои градови температурата ќе оди и до минус 10.
Првите снежни врнежи се очекуваат во последните две недели од декември. Тогаш би требало да се создадат првите услови за снег и формирање на снежна покривка.
Во меѓувреме, за очекување е облачно време со релативно голема количина на врнежи.
Кога станува збор за Скопје, извесно е дека облаците ќе го покријат градот, па и оваа, како и претходните години, ќе имаме сериозни проблеми со загадувањето.
И во Скопје, снежните врнежи некаде пред Нова Година.
Имајте предвид дека долгорочните прогнози треба да се земат со резерва и да послужат само како ориентација. Тешко се прогнозираат временските услови на долг период, а за точни се земаат само временските предвидувања за еден до два дена.