Петто прскање против комарци во Скопје
Градот Скопје од денеска до 1 септември ќе го реализира петтото прскање против комарци ова лето.
Како што информира, авионската дезинсекција ќе се одвива денеска и утре од 5:30 до 10 часот, додека прскањето од земја против адултни комарци ќе биде спроведено утре до 1 септември, од 23 до 4 часот наредниот ден.
Доколку временските услови не дозволуваат аеросолна дезинсекција, прскањето ќе се изврши првиот нареден ден кога временските услови ќе бидат поволни, во истиот термин, а согласно на тоа ќе се извршува и терестричната дезинсекција.
Се известуваат пчеларите навремено да ги преземат потребните мерки за заштита на пчелите.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
