Ученичките автобуси технички неисправни

Кумановските полициски службеници, денеска извршија контрола на 42 автобуси, кои вршат јавен превоз на ученици и 30 такси возила. По извршената контрола во станицата за технички преглед, стручните лица констатирале дека 16 автобуси и шест такси возила биле технички неисправни.

Од страна на полициските службеници констатирано е дека на лице место во три автобуси имало повеќе патници – ученици од бројот на седиштата и определените места за стоење, изјави денеска Валентина Николовска од СВР Куманово.

При извршената контрола биле констатирани и 16 други прекршоци.

-       

Контролирани се сите автобуси кои вршат превоз на ученици, рече Николовска.

-       

На денешната прес – конференција, Николовска потенцираше дека МВР подготвува годишни планови за спроведување на републички акциски контроли на целата територија на држава со цел да се утврди безбедноста во јавниот превоз на патниците.

-       

МВР, рече дека Николовска, презема мерки и активности за поголема безбедност на сите учесници во сообраќајот, а особено за најмладите учесници – учениците. За таа цел, вели Николовска, уште од најмала возраст се вклучени во повеќе проекти преку кои учат за почитување на сообраќајните правила и прописи, за безбедноста како пешаци и учесници во јавниот превоз кои секојдневно го користат до училиштата.