Арсовска-Томовска во Велес на средба со државната и јавна администрација

Заменик министерот за информатичко општетство и администрација Марта Арсовска-Томовска денеска во Велес оствари средба со раководителите на државни и јавни институции во оваа општина.

Целта на средбата, како што изјави Арсовска-Томовска, е раководителите на овие институции да се запознаат со реформите во јавната администрација, односно со двата нови закони кои стапија на сила на 13 февруари годинава - Законот за вработените во јавниот сектор и Законот за административните службеници.

- Иако досега беа направени обуки за вработените, бидејќи со реформските закони има многу новини, ние сепак одлучивме за ваква средба со раководители на сектори, на функционери и на вработени во институциите во организациските облици за управување со човечки ресурси или поранешните кадрови одделенија, а се со цел да им појасниме што е тоа што ги очекува. Целта е да ја добиеме нивната поддршка која ни е неопходна, а во нашата идеја за подобра, попрофесионална и поефикасна јавна администрација, потенцира заменик министерката Арсовска-Томовска.

При тоа потенцира дека во реализација на овие закони ја очекува поддршката од општина Велес, а со која како што оцени досега имале одлична соработка.

Одговарајќи на новинарско прашање Арсовска-Томовска појасни дека има многу новини, како во рамките на организацијата на јавната администрација, во постапките на селекција, во постапките на вработување, преку учењето и континуираното усовршување до мерењето на работната успешност.

- Затоа и постојат награди за најдобрите, но и казнени мерки за подобрување на квалитетот, а за тие кои не работат ефикасно. А целта е граѓаните да добијат подобри услуги и да се подобри квалитетот на работењето на јавната и државна администрација, појасни Арсовска Томовска.

На новинарско прашање како ќе делуваат овие измени на законот во работењето на јавната и државна администрација, заменик министерот Арсовска Томовска појасни дека јавната администрација не само во Македонија, туку и секаде во светот континуирано се реформира и унапредува со единствена цел да го постигне нивото на сервисна ориентација како што го има приватниот сектор.

- Тоа значи услугите што ги дава јавната администрација да личат на услугите што ги даваат приватните компании, а за тоа се неопходни промени во начинот на размислување и однесување на вработените, подготвеноста за учење и стекнување на нови знаења , а ако се згрешат во работата да се поправат, а ако е најдобри да бидат мотивација за останатите вработени, потенцира Аросвска-Томовска.

Велешкиот градоначалник Славчо Чадиев потенцира дека Велес дава поддршка во овие измени за законите, а кои ќе ја доведат администрацијата во земјава и во општина Велес да биде што е можно поефикасна, се со цел за подобри услуги кон граѓаните потенцира Чадиев.

- Општина Велес се преструктуира и се прилагодува кон овие законски прописи и ние и претходно имаме неколку стандарди за квалитет како ИСО 9001, потоа стандардот за квалитет 2701, БФЦ сертификатот за подобро деловно опкружување, а воедно сме подготвени да се прилагодиме и кон новите закони, рече Чадиев и додаде дека во испитувањето за работата на општината, граѓаните на општина Велес дале позитивни оценки.