Информирајте се за поволностите - отворени денови на Платежната агенција

Со средби во Пробиштип, Виница, Дојран и Охрид, денеска, утре и задутре Агенцијата за финансиска поддршка во земјоделството и руралниот развој продолжува да ги реализира отворените денови за земјоделците и бизнис заедницата.

Целта на отворените денови е информирање за поволностите што се нудат преку програмите за финансиска поддршка на земјоделството и руралниот развој. Земјоделците и стопанствениците воедно се запознаваат и со работата на Агенцијата, дискутираат за прашања од нивен интерес, даваат предлози за надминување на одредени проблеми со кои се соочуваат за време на аплицирањето и бараат стручна помош.

- Со зголемено присуство на Агенцијата на терен и со практикување на отворен и одговорен пристап кон корисниците на финансиска поддршка, се овозможува  и зголемување на квалитетот на услугите кон крајните корисници, како и зголемување на задоволството кај крајните корисници на услугите што е и приоритетна цел на Агенцијата во исполнувањето на своите деловни активности, велат од Платежната агенција.