Лоша вест: До крајот на март нема да имаме ниту еден неработен ден

Државните и верските празници секогаш добро доаѓаат за одмор од напорните работни обврски. Особено добро е кога ќе се погодат пред крајот на неделата или на почетокот на наредната па ќе може да се спои продолжен викенд. Сепак, на стартот на овој месец кој треба да ни ја донесе пролетта, мораме да ве разочараме, бидејќи во март, нема ниту еден неработен ден кој би требало да се прославува како државен или верски празник. Ако е за утеха, добро ќе ни дојдат велигденските празници, кога неработен е и Велики Петок но и првиот ден од Велигден во понеделник. До тогаш, посветете се на работните обврски. 

Еве ги сите неработни денови до крајот на годината.

За сите граѓани на РМ

• 13 април (понеделник), Велигден, вториот ден на Велигден според православниот календар
• 01 мај (петок), Ден на трудот
• 24 мај (недела) „Св. Кирил и Методиј“ Ден на сесловенските просветители, односно 25 мај (понеделник) е неработен ден
• 17 јули (петок), Рамазан Бајрам, првиот ден на Рамазан Бајрам
• 02 август (недела), Ден на Републиката, односно 3 август (понеделник) е неработен ден
• 08 септември (вторник), Ден на независноста
• 11 октомври (недела), Ден на народното востание, односно 12 октомври (понеделник) е неработен ден
• 23 октомври (петок), Ден на Македонската Револуционерна Борба
• 08 декември (вторник), “Св. Климент Охридски”

За граѓаните од православна вероисповед
• 10 април (петок), Велики Петок, петок пред Велигден
• 29 мај (петок), Духовден, петок пред Духовден
• 28 август (петок), Успение на Пресвета Богородица (Голема Богородица)

За граѓаните од католичка вероисповед
• 06 април (понеделник), Велигден, вториот ден на Велигден
• 01 ноември (недела), Празникот на сите светци
• 25 декември (петок), првиот ден на Божик

За граѓаните од муслиманска вероисповед
• 24 септември (четврток), Курбан Бајрам, првиот ден на Курбан Бајрам

За граѓаните припадници на албанската заедница во РМ
• 22 ноември (недела), Ден на Албанската азбука

За граѓаните припадници на српската заедница во РМ
• 27 јануари (вторник), Свети Сава

За граѓаните припадници на ромската заедница во РМ
• 08 април (среда), Меѓународен ден на Ромите

За граѓаните припадници на влашката заедница во РМ
• 23 мај (сабота), Национален ден на Власите

За граѓаните припадници на еврејската заедница во РМ
• 23 септември (среда), Јом Кипур, првиот ден на Јом Кипур

За граѓаните припадници на бошњачката заедница во РМ
• 28 септември (понеделник), Меѓународен ден на Бошњаците

За граѓаните припадници на турската заедница во РМ
• 21 декември (понеделник), Ден на настава на турски јазик