Македонските студенти на доусовршување во Русија
Дваеет и пет македонски студенти ќе заминат на доусовршување во Русија за што Министерството за образование и наука објави конкурс за доделување на стипендии за редовни додипломски и пост-дипломски студии за академската 2015/2016 година.
Стипендиите ги доделува Владата на Руската Федерација. Стипендистите ќе добиваат месечен паричен надоместок, во висина на стипендијата на руските студенти во соодветната категорија, но и еднакви услови и цена за сместување во студентските домови како и руските студенти.
Пријавувањето трае до 18 март 2015 година, а повеќе информации за условите, критериумите, потребните документи и пропишаните обрасци за аплицирање се достапни на специјализираниот интернет портал за стипендии на Министерството за образование и наука www.stipendii.mon.gov.mk како и на интернет страницата на Амбасадата на Руската Федерација во Република Македонија www.russia.org.mk.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
