Македонската заедница во Данска: Заев со валкана игра си подигрува со националните чувства

Мачно и болно е кога во странските медиуми ќе се прочита и слушне како во Република Македонија некој се обидува со помош на странски разузнавачки служби, како и со уцеnување и заканување да направи државен удар врз една суверена и демократска држава, реагираат Македонците од Данска.

Тие преку соопштение посочија дека ова е низок удар на опозицијата, која преку странски тајни служби сака да ги потцени и граѓаните на РМ и Македонците кои живеат во дијаспората.

- Би сакале да го потсестиме господинот Заев дека времето на социјализмот и комунизнмот одамна помина и дека единствен начин на кој тој може да дојде на власт е  на избори на кои граѓаните ке се изјаснати при учество во парламентот на Република Македонија. Низок е ударот на лидерот на нашата опозиција, која преку странски тајни служби сака да ги потцени граѓаните на Република Македонија како и сите македонци кои живеат во дијаспората, се вели во соопштенијата.

Во време кога ние како македонци сме изложени на постојани искушенија од страна на нашиот јужен сосед и кога со сите сили се бориме да го зачуваме нашето име, јазик, идентитет и достоинство, реагираат Македонците кои живеат во Данска, несмасно е од страна на г-динот Заев да се служи со ваква валкана игра поигрувајќи си со националните чувства на македонскиот народ.

- Покрај тоа што ваквата алчност за власт е на штета на целата наша држава, ова исто така е потценување и на членовите и симпатизерите на СДСМ, кои со овие дејствија на Заев стануваат негови заложници во борбата за власт. Со оваа обраќање, сакаме да им ја искажеме целата поддршка на државните и правните институции за целосно расветлување на овој немил случај за Република Македонија, посочуваат од Македонската заедница во Данска.