Маја Иванова иницира повеќе проекти за соработка со Катар

Во рамки на посетата на Државата Катар, сопругата на Претседателот на Република Македонија, Маја Иванова, оствари средба со директорот на Шафалах центарот за деца со посебни потреби, Мохамед Бадер Ал-Сада, како и сопругата на актуелниот емир на Државата Катар, Шеиката Џавахир бинт Хамад Ал Тани, соопштија од Кабинетот на претседателот Иванов.

На средбата со Мохамед Бадер Ал-Сада, Иванова се заблагодарила за поддршката и соработката со  претходното раководство на Шафалах центарот и искажала надеж дека воспоставената соработка ќе продолжи и во иднина преку проекти од заемен интерес на двете држави. Иванова побарала да се интензивира соработката во делот на истражувањата за причините за појавата и ширењето на аутизмот кај децата уште во најрана фаза.

- На средбата со Шеиката Џавахир бинт Хамад Ал Тани,  Иванова искажа благодарност за поддршката што Државата Катар и ја дава на Република Македонија, особено во делот на проекти од хуманитарната сфера, истакнувајќи ја помошта за Клиниката за анестезија, реанимација и интензивно лекување, се наведува во соопштението.

Сопругата на преседателот упатила срдечни поздрави и до мајката на емирот, Шеика Мозах и искажала увереност дека поддршката и активностите започнати со не а ќе продолжат и во иднина.