Милошоски во посета на Јапонија
Потпретседателот на Собранието на Република Македонија Антонио Милошоски на покана на парламентарниот заменик-министер за надворешни работи Такао Макино ќе престојува во посета на Јапонија, соопшти денеска собраниската прес-служба.
Макино, кој е член на Горниот Дом на јапонскиот Парламент, е иницијатор за формирање на парламентарната група за јапонско-македонско пријателство, како заедничка цел на двете земји за унапредување на билатералните односи.
Ова била една од темите за разговор меѓу претседателот на Собранието Трајко Вељаноски и Такао Макино за време на неговата посета на Македонија во февруари минатата година.
Македонија и Јапонија лани одбележаа 20-годишнина од воспоставувањето на дипломатските односи, а Македонија за прв пат испрати резидентен амбасадор во Јапонија, во новоотворената амбасада во Токио.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
