Владата ги отвара вратите за граѓаните Црвен тепих и отворена јавна седница
Македонската влада останува отворена кон граѓаните и транспарентна во работењето. За една недела, организира два настани кои ќе ги вклучат граѓаните во нивната работа.
Имено, во недела на 21-ви декември ќе се одржи отворена владина седница, која во живот ќе се пренесува преку медиумите.
Како што информираше владиниот портпарол, Александар Ѓорѓиев, на оваа владина седница ќе се разгледаат над 100 точки кои досега се пријавени, а во следниве два дена тој број се очекува да порасне.
-Ќе има точки од секој ресор. Истите ќе се разгледуваат, ќе се увидат ефектите на досега завршените проекти, ќе се разгледаат планови за нови проекти и реформи. Ќе бидат опфатени теми од економијата, инфраструктурата, здравството, земјоделието и многу други, рече Ѓорѓиев.
Следниот настан од ваков тип е закажан за следниот петок, 26-ти декември. Владата повторно ширум ќе ги отвори вратите за граѓаните.
„Црвен тепих за граѓаните“ предвидува директно учество на заинтересираните во работата на Владата. Досега се пријавени 200 лица кои деновиве ќе бидат известени за терминот.
Тие ќе можат да проследат дел од Владините комисии, да поразговараат со надлежните, да дадат свои идеи, предлози и критики.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
