Кочан ладно: Од четврток ќе се дружиме со снегот

Времето во Македонија ќе биде променливо облачно со појава на магла по оддлени котлини. Попладне во западните делови ќе има врнежи од дожд, кои во ноќните часови ќе се прошират и во останатите подрачја.

Утринската температура ќе се движи од минус четири до два, а дневната од шест до 11 степени.

Во Скопје во утринските часови ќе има појава на слаба магла. Во текот на денот ќе биде претежно облачно а во вечерните часови нестабилно со слаби врнежи од дожд. Слаб југоисточен ветер. Утринската температура од 3°C, а максималната дневна температура до 9°C.

Во четврток ќе биде претежно облачно со врнежи од дожд и ветровито. Поинтензивни врнежи се очекуваат во вечерните часови и во текот на ноќта. Во раните утрински часови услови за врнежи од снег ќе има над 1000 метри надморска висина. Ќе дува умерен јужен и југоисточен ветер. Утринските температури ќе се движат од -1°C до 7°C, а максималните дневни температури ќе достигнат до 4°C односно до 12°C.