Кадиица кај Пехчево има 70 милиони тони бакар

Барањето за добивање концесија за експлоатација на бакарната руда поднесено преку фирмата „Кадиица-метал“ не беше прифатено од надлежните државни институции поради сомневањата на јавноста дека со методата на подземно  лужење на бакарот може да дојде до загадување на водите и животната средина.

Од локалната самоуправа и од компанијата „Солвеј“ информираат дека постапката за добивање концесија е обновена.

Според Николајчо Николов, заменик-директор во рудникот „Бучим„ од Радовиш, „Солвеј“ наместо методата на лужење ќе ја користи комбинираната метода на експлоатација преку површински и подземен коп и ќе применува затворен систем на собирање и третирање на водата со што нема да ја загрозува животната средина,

- Се отвора нова шанса „Кадиица - метал“ во наредната година да започне со работа и да остварува годишно производство од 4.500 тони. Со елаборатот е предвидено вработување на 150 лица од Пехчево и околината, изјави градоначалникот Игор Поповски.