Мицкоски: Просечната плата се зголемува на 50.200 денари, Македонија повторно станува ваша
Зголемени плати, реален раст – Македонија се буди!, напиша премиерот Христијан Мицкоски.
Од 1 април започна исплатата на зголемените плати во јавното здравство: линеарно зголемување од 2.500 денари нето за сите! Со зголемувањето во ноември, вкупното зголемување достигнува 4.815 денари, а за медицинските сестри дури 6.200 денари, истакна Мицкоски.
„Со тоа, просечната плата се зголемува на околу 50.200 денари. Октомвриското зголемување изнесува 10.49%, а кумулативно – дури 17.18%! Со инфлација од околу 3.5%, реалниот раст за 2024/25 ќе биде околу 9.4%.
За споредба, во периодот 2021–2023 реалниот раст изнесуваше само 3.8%.
Промените се случуваат.
Македонија повторно станува ваша!“, потенцираше Мицкоски.
03.04.2025 - 11:15
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
