Македонија мрзне: Ова се моменталните температури по градови

Утрово најниска температура од -4 степени е измерена во Битола. Според соопштението од УХМР, следат Прилеп и Попова Шапка со -2 степени, -1 Лазарополе, 0 во Тетово, Демир Капија, Струмица, Штип, Берово, Кавадарци, Крушево и Маврови Анови, 1 Скопје-Петровец, Скопје-Зајчев Рид, Крива Паланка, Претор, Виница, Велес, Дебар, 2 во Куманово и 3 степени во Охрид и Гевгелија.

Нјамногу наврнат воден талог има во Дебар 8 л/м2, 3 во Лазарополе, 2 Охрид, Крушево, Попова Шапка и 1 л/м2 во Тетово, Претор, Битола, Прилеп, Виница, Берово, Кавадарци, Гевгелија, Куманово и во Тополчани.

Висината на снежната покривка измерена во 7 часот изнесува 49 см на Попова Шапка, 40 во Маврови Анови, 22 Крушево, 15 Битола, 7 Тетово, 5 Демир Капија и Берово и 4 см во Штип и во Лазарополе.

Времето денеска ќе биде променливо облачно со сончеви периоди. По котлините ќе има појава на магла. Ќе дува слаб до умерен ветер, во западните делови од западен, а во југоисточните од северозападен правец. Максималната температура ќе биде во интервал од 4 до 12 степени.

Во Скопје променливо облачно и тивко со појава на магла. Максималната температура ќе достигне до 5 степени.