Камбовски: Судиите што не работат според законите ќе бидат отстранети

Судијата Александар Камбовски е нов претседател на Судскиот совет на Република Северна Македонија.

Денеска Советот на 510-тата седница со 13 гласа го избра Камбовски, кој доаѓа од Апелација Битола а беше избран за член на Советот во јуни минатата година.

„Бидете уверени дека институцијата ќе се води со интегритет, непристрасност и максимални напори за заштита на судската независност. Ова е куќа на судиите, ги охрабруваме да работат согласно законите и да не потпаѓаат под никакви влијанија“, изјави Камбовски по изборот.

Судиите кои не работат според законите според него ќе бидат отстранети од судскиот систем.

„Крајно време е да се стави крај и секој судија кој не работи според законите, туку според негови лични интереси и потпаднал под влијание, дека местото нема да му биде во судскиот систем“, потенцира Камбовски.