Хаос на познато грчко летувалиште: Се степаа туристи, претепани и полицајци

На популарниот грчки остров Миконос, сцени како оние од криминалистичките филмови ја вознемирија јавноста.

Група пијани италијански туристи се судрија едни со други пред ресторан за брза храна, а кога полицијата се обиде да ги смири, тие ја нападнаа и полицијата, по што избувна општа тепачка.

Миконос е една од најпосетуваните туристички дестинации во Грција, позната по својот луксуз и богат ноќен живот. Сè започна кога две групи италијански туристи се скараа пред ресторан за брза храна.

Гласната расправија брзо прерасна во физичка пресметка, која го привлече вниманието на минувачите и полицијата. Кога полицијата се обиде да интервенира, наиде на неочекуван отпор - туристите се свртеа кон нив, одбивајќи да се смират, па дури и физички ги нападнаа.

- Ситуацијата беше хаотична. Полицијата се обиде да ги сопре туристите, додека тие возвраќаа со удари и се обидуваа да избегаат - изјави познатиот грчки јутјубер Христос Јанелис, кој бил сведок на настанот и го снимил целиот инцидент.

По неколкуминутна интензивна борба, полицијата успеа да ги совлада главните учесници во конфликтот. Туристите беа врзани со лисици и однесени во локалната полициска станица, со што конечно се стави крај на инцидентот што го вознемири целиот центар на островот.