Градоначалникот на Кисела Вода: Цела ноќ сме на терен да помагаме на нашиот народ

Градоначалникот на Општина Кисела Вода, Орце Ѓорѓиевски, на социјалната мрежа Фејсбук сподели видео и информираше каква е состојбата по излевањето на Маркова Река, поради обилните врнежи од дожд кои со денови го зафатија подрачјето на Скопје.

- Ситуацијата наложува помалку демагогии а повеќе грижа за нашите сограѓани, нашите соседи. Остануваме на терен цела вечер и помагаме на нашиот народ, во овој момент ги одзатнуваме шахтите, вршиме мобилизација на нашите ресурси за жителите да немаат катастрофални последици!, напиша градоначалникот на Кисела Вода.

Тој и претходно се огласи за хаосот кој настана во Кисела Вода.

- Веднаш по добиената информација за излевање на Маркова Река поради обилните врнежи во општина Студеничани, од гостување на телевизија се упатив на најкритичните места да помогнеме на нашите соседи. Сакам да нагласам дека во постојана комуникација сме со Премиерот кој веднаш се понуди доколку е потребно да ги мобилизира сите расположливи ресурси за што јас, а и сите жители на Студеничани му се заблагодаруваме. Механизацијата е на терен и нема опасност по населението, силно се работи на враќање на реката во своето корито.