Дете од година и пол донесено во безсознание – родителите велат го пронашле во базен

Едноипол годишно дете од село Заполжани, општина Долнени, било донесено во безсознание во Општата болница „Борка Талески“ во Прилеп на 20 јули околу 20:30 часот. Според изјавата на родителите, детето било пронајдено во базен во нивниот двор.

Откако му била укажана првична медицинска помош, детето било итно префрлено во Клиничкиот центар „Мајка Тереза“ во Скопје за понатамошно лекување.

Полицијата информира дека се преземаат мерки за целосно расчистување на случајот и утврдување на сите околности под кои дошло до инцидентот.