Деми Мур е најубавата позната личност за 2025 годинa

Најубавата позната личност за оваа година, според американското списание „Пипл“ (People), е глумицата Деми Мур. По успехот на хорор-филмот „Супстанција“ (The Substance), во којшто глуми жена опседната со „вечна младост“, но на крајот ја прифаќа и ѝ се радува на реалноста, Деми појасни што значи убавината денес, според неа.

– Убавината е автентичност и позитивност. Тоа е чувство на удобност во вашата кожа, изјави Мур.

По години на притисок да изгледа „совршено“, таа вели дека сега има поздрав и порелаксиран однос со своето тело и живот. Нејзината порака е: – Вистинската убавина не зависи од возраста или изгледот, туку од тоа да бидеш свој и да се грижиш за себе со љубов.

„Пипл“ ја почна анкетата за најубави луѓе на светот во 1990 година. Целта на проектот првично беше да ги запознае читателите со познатите личности кои ги кршат стереотипите за убавина и ги инспирираат другите.

Други лица кои се нашле на насловницата претходните години се: Софија Вергара (2024 година), Мелиса Мекарти (2023), Хелен Мирен (2022), Криси Тајген (2021), Голди Хоун, Кејт Хадсон и Рани Роуз (2020), Џенифер Гарнер (2019), Алесија Бет Мур-Харт – Пинк (2018), Џулија Робертс (2017, 2005, 2000, 1991), Џенифер Анистон (2016, 2004), Сандра Булок (2015), Лупита Њонго (2014), Гвинет Палтроу (2013), Бијонсе Ноулс (2012), Џенифер Лопез (2011), Кристина Апгејт (2009), Кејт Хадсон (2008), Дру Баримор (2007), Анџелина Џоли (2006), Хали Бери (2003), Никол Кидман (2002), Кетрин Зета-Џонс (2001).

Вреди да се споменат и 90-тите. На оваа насловна страница тогаш се најдоа и Мишел Фајфер (1990. и 1999 година), Џоди Фостер, Синди Крафорд, Мег Рајан, Кортни Кокс, Мел Гибсон, Том Круз и Леонардо ди Каприо.