Данската министерка за европски прашања доаѓа во Македонија: Ќе се сретне со Муртезани
Министерката за европски прашања на Кралството Данска, Мари Бјере утре ќе престојува во работна посета на Македонија. Посетата е во пресрет на претседавањето на Данска со Советот на ЕУ.
Бјере ќе се сретне со македонскиот колега, министерот за европски прашања Орхан Муртезани по што е најавена и заедничка прес-конференција. Како што информира Кабинетот на Муртезани, разговорите помеѓу двете делегации ќе бидат фокусирани на европската интеграција на Северна Македонија, на билатералните односи, реформските приоритети и актуелните регионални и геополитички предизвици.
По посетата на Министерството за европски прашања, Бјере ќе замине во македонското Собрание на средба со претставници од Комисијата европски прашања.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
