Бен Афлек и Џеј Ло уживаат на јахта, но актерот не ја соблекува својата маица: Пејачката не може да поднесе еден детаљ

По фотографиите кои папараците ги направиле, фановите на парот забележале дека Афлек е постојано со маица на себе.

Медиумите пишуваат дека причина за тоа е тетоважата која актерот ја има истетовирано на целиот грб, а станува збор за шарен феникс. Оваа тетоважа Џеј Ло не може да ја поднесе, што го признала и во едно интервју во 2016 година.

Тетоважата на грбот е направена во неколку бои и навистина е тешко да не се забележи.

Медиумите тогаш пренесоа дека Афлек ја направил тетоважата бидејќи таа симболизира повторно раѓање. За истата во една прилика се огласи и неговата поранешна сопруга, Џенифер Гарнер.

„Во мојот роден град за вакво нешто би рекле: Боже, спаси го“. Феникс кој се издигнува од пепелта. Јас ли сум пепелта во целово сценарио? Навредена сум. Одбивам да сум пепел“, рекла Гарнер, а и Џеј Ло не останала воздржана.

„Ужасна е. Да сум на негово место, би ми било срам од таа тетоважа. Има премногу бои, како и сите негови тетоважи. Треба да се помалку шарени, а повеќе кул“, изјавила пејачката во емисијата „Watch What Happens Live“.

Освен феникс, Бен на двете рамена има истетовирано и цветови.

„Имам неколку тетоважи, но се обидувам секогаш да ги ставам на места кои не се забележуваат и кои не бараат многу прикривања во текот на деловните аранжмани“, изјавил Афлек во една прилика.