13-годишно дете се јавило во полиција и кажало дека ја заклал мајка си и баба си - Хорор во Унгарија

Момче (13) е уапсено под сомнение дека се обидело да ги убие мајка си и баба си во нивната куќа во селото Генју во близина на Ѓер во Унгарија!

Полициските екипи пронајдоа морничави сцени во селото на Дунав во неделата, откако самото момче се јавило во полиција и им кажало што направило. Според извештаите, тој ги заклал мајка си и баба си!

Осомничениот, ученик во 8-мо одделение, ги нападнал мајка си (47) и баба си (68) со два ножа. Таткото на момчето бил на работа во времето на злосторството.

Малолетникот се обидел да ги изврши убиствата со два карамбита, уникатни ножа што се користат во боречките вештини. Околу 2 часот наутро, тој се јавил во полиција и рекол дека ја убил мајка си и ја повредил баба си.

Екипите на полицијата и брзата помош брзо пристигнале на местото на настанот, наоѓајќи ги жртвите во ужасна состојба со бројни убодни рани и исеченици на вратот и другите делови од телото. Две жени беа однесени во болница во тешка состојба и двете се во критична состојба. Полицијата веднаш му стави лисици на момчето.

Таткото дознал што се случило дури во раните утрински часови, откако бил информиран на работа.

„Истрагата на местото на настанот траела со часови. Полицијата запленила крвави ножеви, облека, крвава постелнина... Осомничениот е осмоодделенец, момче од добро ситуирано семејство, кој е добар ученик. Тој ги признал делата за кои е обвинет, а мотивот за ова кривично дело сè уште се утврдува“, соопшти полицијата.

Окружниот суд во Ѓер во понеделник нареди осомничениот да биде приведен и да биде префрлен во соодветна казнена установа, со оглед на неговата возраст.

„Осомничениот не го негирал кривичното дело, но сè уште се бара мотив и инспекторите проверуваат сè“, соопшти обвинителството.