Уапсен Раде Трајковски - Штекли

Полицијата го уапси Раде Трајковски, познат како Штекли, под сомнение за трговија со наркотични средства, пренесе Нетпрес.

Штекли се сомничи дека предводел криминална група од над десет члена која се занимавала со продажба на дрога. МВР и Бирото за јавна безбедност работат на апсење на останатите членови на групата.

Штекли е уапсен во близина на хотел во околината на Гевгелија, при обид за бегство. Тој е познат по пресметките со други нарко-картели и во минатото бил мета на повеќе обиди за убиство.

Оваа акција на МВР доаѓа по неодамнешното сузбивање на криминалната група „Беланоца“ од Арачиново.