(ВИДЕО) Морнар пријавил дека видел запален авион: Во него имало над 250 лица

Моторот на Боинг 787-9 Дримлајнер со 249 патници и членови на екипажот се запалил во воздух само неколку секунди по полетувањето од аеродромот во близина на Рим. Летот бил наменет за Кина.

Инцидентот се случил во неделата наутро над аеродромот „Леонардо да Винчи“, кој е во непосредна близина на Средоземното Море.

Набргу по полетувањето на авионот, морнар забележал експлозија над морето, проследена со пламен што доаѓал од моторот на Боинг 787-9 Дримлајнер, пренесува италијанското издание Ла Стампа.

Морнарот ја известил полицијата, други сведоци на инцидентот пријавиле и експлозија во воздух.

Обезбедувањето на брегот било алармирано околу 10.20 часот. На посочените координати во случај на катастрофа биле упатени два брода.

Во меѓувреме, пилотот на авионот извршил неколку патувања преку Средоземното Море, за да исфрли керозин.

По околу 20 минути, машината била насочена назад кон аеродромот во близина на Рим.

Пилотот принудно слетал на „Леонардо да Винчи“, каде веќе биле спроведени итни мерки.

Повикот бил упатен во 11:06 часот, а авионот безбедно слетал. Сите 249 патници го напуштиле авионот неповредени.

Експертите ги објаснуваат причините за палењето на моторот. Се претпоставува дека причината е судир со птица. На патниците им се препорачува да го продолжат летот со друг авион.