Ѓорчев меѓу граѓаните: Ветуваме инвестиции, работни места и повисоки плати

За економијата, за стопанството е добро оваа политичка криза час поскоро да заврши, истакна членот на ИК на ВМРО-ДПМНЕ Влатко Ѓорчев по вчерашната посета на Волковија и околните места.

-Доколку заврши оваа криза и имаме стабилна влада, ќе се вратиме на работите на кои значат развој, нови вработувања, отворање на нови работни места, зголемување на платите, раздвижување на економијата. Тоа е потреба и на стопанството и на претпријатијата, и на вработените, вели Ѓорчев.

Главниот акцент, истакна тој, во нашата програма ќе биде на економијата, новите работни места, зголемување на животниот стандард.