Рецепт: Чоколадни пралини за Денот на вљубените

Изненадете го вашиот сакан, подгответе му чоколадни пралини за денешниот ден.

Потребни состојки:

За пралини:

250гр чоколадо за готвење

50гр стопен путер

50гр крем од лешник

80гр шеќер во прав

1 лажица инстант кафе

50мл вињак

За прелив:

100гр млечно чоколадо

Начин на подготовка:

Изматете го путерот пенасто, додадете крем од лешник и шеќер во прав и продолжете да матите додека смесата не се изедначи. Чоколадото растопете го на пареа, додека е врело помешајте го со кафе и вињак, и сето тоа додадете го на смесата со путерот. Наполнете шприц и истискајте мали канапеа на плехб обложен со хартија.

Оставете ги пралините да се изладат целосно, па прелијте ги со глазура од чоколадо.

Извор: Попара