Четири кеси дрога пронајдени во ауди - приведени две лица

Вчера во 14.50 часот, на улицата ,,Васил Стефоски“ во Охрид, лишени од слобода се С.Г.(35) и и Ј.Т.(36), двајцата од охридското село Велгошти.

При преглед во патничкото моторно возило „Ауди“ во кое се наоѓале, полициските службеници, кај С.Г. пронајдоа и одзедоа четири најлонски кесички со непозната бела прашкаста материја.

По целосно документирање на настанот, ќе биде поднесена соодветна пријава.