Земјотрес од 5 степени го погоди Санторини - туристите загрижени, хотелиерите оптимисти

Меѓу островите Санторини и Аморгос синоќа беше регистрирана нова серија земјотреси над 4 степени, од кои најсилниот беше 5 степени според Рихтер.

Туристичкиот крузер „Viking star“ го откажа денешното пристигнување на Санторини поради серијата земјотреси што го потресуваат островот.

Земјотресите, со јачина до 5 степени според Рихтер, предизвикаа загриженост кај туристите, но засега нема откажувања на резервациите.

Хотелиерите се надеваат дека туристичката сезона ќе продолжи без поголеми проблеми.

Грчкиот премиер Мицотакис апелираше на внимателност во комуникацијата за да не се создаваат непотребни стравови кај посетителите.