(ВИДЕО) Вучиќ им се обрати на студентите, тие го игнорираа
Студентите, кои повеќе од два месеци блокираа околу 60 факултети во Србија поради трагедијата на железничката станица во Нови Сад, вчера почнаа 24-часовна блокада на Автокоманда – еден од најважните патишта во Белград. Блокадата завршува денеска во 10 часот.
Блокадата на Автокоманда следи по генералниот штрајк што се одржа во петокот во Србија. Студенти и други граѓани учествуваа во протестните прошетки. На штрајкот се приклучија и медиумите, бројни синдикати, наставници, професори, лекари, адвокати, средношколци, земјоделци…
Студенти, ученици и граѓани се сретнаа напладне и се поврзаа на договорените дестинации во многу градови низ Србија. Во штрајкот учествуваа и кина, книжарници, издавачки куќи, угостители, ноќни клубови…
Српскиот претседател Александар Вучиќ се обрати до јавноста и порача дека ќе бидат исполнети сите барања на студентите, а најави и реорганизација на Владата. Студентите на блокадите го игнорираа неговиот говор.
Центарот за истражување, транспарентност и отчетност (ЦРТА) вчера објави снимка од блокадата со дрон. Тоа е непартиска граѓанска организација посветена на развојот на демократската култура и граѓанскиот активизам.
View this post on Instagram
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
