Ужас во Македонски Брод: 64-годишник силувал 15-годишно девојче, заврши во затвор
Шеесет и четиригодишен жител на Македонски Брод е приведен бидејќи се сомничи дека сторил кривично дело „силување дете кое не наполнило 15 години“. Нему му е одредена мерка притвор во траење од 30 дена.
-На 4 април ОВР Македонски Брод при СВР Битола до Основното јавно обвинителство Кичево поднесе кривична пријава против Б.С.(64) од Македонски Брод поради постоење на основано сомнение за сторено кривично дело „силување на дете кое не наполнило 15 години“. Б.С. се сомничи дека на 03.04.2025 во Македонски Брод бакнувал и допирал по телото малолетно девојче од Македонски Брод, информираат денеска од МВР.
Оттаму појаснуваат дека на настанот што се случил на 3 април му претходел ист таков настан на 7 март од Б.С. кон истото девојче, за што од страна на очевидци било пријавено во Центарот за социјални работи во Македонски Брод, но од нивна страна не биле преземени никакви мерки. За ова, нагласуваат од МВР, ќе следат дополнителни активности за целосно расчистување на настанот.
Од страна на судија на претходна постапка на Б.С. му е изречена мерка притвор во траење од 30 дена, по што е спроведен во Затвор Битола.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
