Пререгистрирале ловечко друштво со фалсификати, па издавале дозволи за лов без печат и потпис

Полицијата поднесе кривична пријава против И. А. (52) од струшкото село Лабуништа и против А. Џ. (35) од селото Подгорци поради фалсификување исправа и измама.

Од МВР велат дека во текот на 2024 година, со намера да пререгистрираат и присвојат ловечко друштво од Вевчани, пријавените почнале да собираат потписи и изготвиле лажни изјави од лица од околните села, набавиле фалсификувана исправа и печат на непостојно здружение и фалсификувале потписи на негови членови.

Истите документи, како што информираа од полицијата, без да бидат заведени на нотар, ги приложиле во Централниот регистар во Тетово, каде што без да се изврши преглед на доставената документација и спротивно на законот било издадено решение за промена на статутот по што го пререгистрирале ловечкото друштво.

Потоа пријавените почнале да управуваат и да издаваат дозволи за лов, без печат и потпис.