На Том Круз му го украле БМВ-то на снимање на „Невозможна мисија“

Холивудскиот актер Том Круз остана без своето „бмв“ за време на снимањето на филмот „Невозможна мисија 7“ во Бирмингем.

Лондонскиот таблоид Сан објави дека возилото на Том Круз било украдено од паркингот на хотелот Гранд, во кое имало и разна стока вредна неколку илјади фунти, пренесува Би -Би -Си.

Автомобил „бмв х7“ бил украден во вторникот на паркингот на улицата Черчи, но набргу бил пронајден во блискиот Сметвик, објавила полицијата на Вест Мидлендс и потврдиле дека анализата на снимките од безбедносните камери е во тек.